My try at shayaris

Dukhon ki bheed mittati nahi, dardon ke pal ghatate nahi

yeh zindagi hai yaaron, musibaton ke din dhalte nahi

na jaane kyu sab kuch hote hue bhi kuch na hone sa lagta hai

kya kare yeh zindagi milkar bhi na mila sa lagta hai

samudra ki laharon pe hum ye likhte jaa rahe hai 

dosti ki hai to nibhate ja rahe hai

main soch rahi thi sochte sochte

main khud bhul gayi ki main kya soch rahi thi

Hamari dosti

Kasam hai yeh apne dost se,
roothenge na kabhi bhi tumse.
chahenge duniya mein sabse zyaada,
banakar tumhe hamesha apna.
dua karte hai khuda se hum,
na de kabhi tumhe koi gham.
jab ho raaste mein kaante,
tum hame apne paas paate.
na chubhne de hum kaante pairo mein,
chubhe to chubhe sirf gairo mein.
pariksha chahe jitni bhi le khuda hamari,
na kabhi haar hone denge hum tumhari.
jhukh jayenge hum tumhare saamne,
apni aakhri saans tak ko samaane.

Ae Dost Tu Hai Kaha Pe?

Mann nahi lag raha yahaan,

Jaane saare dost hai kahaan?

Naav ki tarah hum doob jayenge,

Ae dost tu hai kaha pe?

Yaad aa rahe hai wo pal,

Jo guzara karte the hum kal,

Ab jeena padega in yaadon ke sahare.

Ae dost tu hai kaha pe?

Naaraz mat hona mujhse,

Roothna na kabhi bhi mujhse,

Mar jayenge hum varna,

Ae dost tu hai kaha pe?

Ek baar dekh lu tujhe,

Ek baar mil lu tujhe,

Ek baar muskurate dekh lu tujhe,

Ek baar gale laga lu tujhe,

Ae dost tu hai kaha pe?